بسم الله الرحمن الرحيم حياكم الله احبتنا في موقعكم باب التوبة هذه تجربة وصلتنا لاحد الأخوات التائبات وأردنا واياها ان تكون عبره وعظه لكل اخ واخت عندما تكون الحياة في انقطاع عن اعظم عبادة ( الصلاة ) فلنقرأ ماروته اختنا نسأل الله لنا ولها القبول والثبات ***** (( انا الحين عمري ٢٢ من فترة خمس شهور تقريباً تغيرت وصرت اتكاسل عن صلاتي وابعد عنها تدريجياً كنت قبل ومن عرفت نفسي وانا احافظ عليها ولاتركتها ابداً قبل والله الذي لا اله الا هو اني كنت احافظ على صلاتي ومن سابع المستحيلات اتركها كانت دايماً صلاتي تشغل تفكيري لدرجه اذا نمت احياناً افز من نومي شايله هم تروح علي الصلاة وكنت والله العظيم متوفقه بحياتي كل مادعيت شفت دعوتي قدامي مستجابه وكل مااقبلت على امر توفقت فيه كنت مااجيب الا الدرجات العاليه بدراستي وكنت كل مااشارك في شي اتوفق ويسهل الله علي وينجح هالعمل اللي سويته والكل يمدحه كنت مرتاحه نفسياً وكل امور حياتي ماشيه من افضل مايكون لكن فترة اللي تركت الصلاة وهانت علي وتغيرت ماقمت اعرف نفسي اقسم بالله الذي لا اله الا هو مستواي الدراسي نزل رغم اني لازلت اجتهد لكن عدم التوفيق صرت كل مااسوي شي يطلع سيئ ويخرب صاروا الدكتورات بالجامعه يقولون ان مستواي نزل بكل شي والسبب مهو قل اجتهاد لا والله لكن عدم توفيق قبل كنت احياناً اكون تعبانه ومااذاكر كويس وادخل الامتحان اطلع واجيب درجة عاليه السبب توفيق الله عانيت من ضغوط نفسيه وبديت ادور اي شي يملا هالفراغ الكبير ومامليته الا بالمعاصي اللي زادته الامر سوء ماادري فيه شي يمنعني تكاسل مو طبيعي لكن والله اني كل مااحط يدي في شي يتعقد ومايتسهل واتضايق من هالشي بعيد عن الدراسه في كل شي فكرت وقلت في نفسي مافيه سبب الا الصلاة انا عزني الله في الصلاة وفقني الله في الصلاة.. ستر علي القبيح واظهر الجميل .. من الصلاة اسعد قلبي وارتحت من الصلاة كل شي جميل في حياتي من الصلاة فكيف ابي كل شي زين وانا مااصلي ؟؟؟ لمت نفسي كثير واشتقت لحياتي بالصلاة لا بل اشتقت لصلاتي فالصلاة هي الحياة وبعدها تبت لله ورجعت ..)) اليوم انا بكون عبره لكم وشوف كيف صارت حياتي وكيف انقبلت بسبب ابتعادي عن الصلاة واتعظ واذا كنت تتمنى وتدعي ولاتحصل شي من دعواتك اعلم ان صلاتك فيها خلل او انك مقصر والله مايخيب ولا يرد واحد محافظ على صلاته هالكلام انا حسيته وعشته مهو كلام وبس والله اني انصدم في توافيق وتساهيل وتيسير بدون لا اطلب من الله ذلك وسبحان الله من تركتها عرفت وش اللي كان دايماً معي هو الله فهل يخيب من كان معه الله كن مع الله وحافظ على صلاتك ولو احكي لكم عن المواقف والاشياء يمكن مااخلص الين بكرا لكن ماابي اطول عليكم عشان كذا ابي توصل للناس جميعاً لاتتركون الصلاة الصلاة هي فلاحك هي سعادتك صدقني مااراح تلقى كل اللي تبيه الا من الصلاة الي تاركين صلاتهم توبوا وارجعوا لصلاتكم لحياتكم نفسك عليك حق اكرمها وعزها بالصلاة انتم مااتتخيلون كيف راح تتغير حياتكم بالصلاة ماتتخيلون كمية السعادة الراحة الدعاء المستحاب تحس دايماً فيه شي معك ويساندك وكل ماتبي شي وقلت يارب سهل تسهل لك لانك تصلي وماتترك صلاتك وش راس مالنا الا هالصلاة ونهايتنا موت توبوا وارجعوا وابدأوا وقولوا لله انكم تبتوا وانكم ماراح تتركون الصلاة ابداً والله انها ماهي صعبه وكما قال الله تعالى ( وانها لكبيرة الا على الخاشعين ) تبي لها هم وقلب حي يهتم للصلاة وخشوع فيها واتمامها والله ماراح تتركها ولا راح تكبر عليك اذا كانت همك عش حياتك لكن الصلاة لاتتركها مهما صار ومهما كان ولو بلغت ذنوبك عنان السماء والارض صدقني بتروح هالذنوب كلهاا بسبب صلاتك طولت اعذروني ولكن والله مااجبرني على الكلام الا اني ودي الجميع يستفيد والجميع يلتفتون شوي لانفسهم وصلاتهم ودي ان الجميع يحسون بالحياة الجميلة اللي فيها صلاة تكفون تكفون اقروها بقلوبكم ابدوا اليوم بالصلاة اذا كنت تاركه واذا كنت تصلي بعض الصلوات والبعض لا ابدا حافظ عليها من اليوم واطلب الله يوفقك ويعينك على الطاعه اسال الله ان يريح افئدتكم للصلاة ويشرح صدووركم للتوبة انه على كل شي قدير نسأل الله بمنه وكرمه ان يثبتنا واختنا وكل تائب وتائبه انه سميع مجيب